Polaroid | PLD 6190 807M9

Աշխարհում առաջինը՝ Polaroid ապրանքանիշը 1937 թվականից ի վեր արտադրում է պոլարիզացված ոսպնյակներով արևային ակնոցներ՝ մշտապես առաջարկելով արևային ակնոցների և շրջանակների բարձր որակ՝ համակցված գերժամանակակից և նորարարական տեխնոլոգիաներով: PLD 6190 807M9 մոդելի ամբողջական շրջանակով թիթեռնիկաձև (butterfly) արևային ակնոցը աչքի է ընկնում դրսի կողմից՝ փայլուն սև, իսկ ներսի կողմից փայլատ սև երանգներով։ Ակնոցի մոխրագույն ոսպնյակները ունեն 100% պաշտպանություն արևի ուլտրամանուշակագույն ճառագայթներից։ Polaroid ապրանքանիշի բոլոր արևային ակնոցների ոսպնյակները պոլարիզացված են, ինչը նշանակում է, որ դրանք պաշտպանում են աչքերը տարբեր մակերեսներից (ջուր, ձյուն և այլն) արտացոլվող արևի ճառագայթներից՝ ապահովելով հարմարավետ տեսողություն հատկապես ավտոմեքենա վարելիս։ Պոչիկների վրա ոսկեգույնով նշված է ապրանքանիշի անվանումը, իսկ դրանց ծայրերին՝ բրենդի հայտնի կոնաձև ծիածանը։ Շրջանակը պատրաստված է բարձրորակ պլաստիկից, որը ապահովում է ամրություն և հարմարավետություն կրման ժամանակ։ Քթի բարձիկները ֆիքսված են և ստեղծում են առավելագույն հարմարավետություն, քանի որ ակնոցի ծանրությունը չի ընկնում միայն քթի բարձիկների վրա։