Persol | 2494-S 513/13

Իտալական Persol բրենդի եզակի և ոճային դիզայներական լուծումները դարձրել են ապրանքանիշը լեգենդար և իտալական դիզայնի, որակի ու հավերժական նրբագեղության խորհրդանիշ: 

2494-S 513/13 մոդելի արևային ակնոցը ունի բարակ, ամբողջական շրջանակ՝ մուգ արծաթագույն երանգով և կրկնակի կամրջակով, պատրաստված է թեթև ու չժանգոտվող պողպատից։ Ոսպնյակները պատրաստված են քվարցից (հանքային բյուրեղից), որի շնորհիվ դրանք պաշտպանված են լինում քերծվածքներից և խազերից: Ոսպնյակները ունեն կանաչ երանգ և 100% պաշտպանություն արևի ուլտրամանուշակագույն ճառագայթներից։ Պոչիկները և ոսպնյակի շրջանակը միացնող զսպանակավոր ամրացումը ապահովում է հավասարակշռություն՝ պաշտպանելով ակնոցը դեֆորմացումից։ Քթի բարձիկների վրա նշված է բրենդի անվանումը, որոնք նաև կարող են հարմարեցվել քթի ձևին և չափին՝ այդպիսով ապահովելով կրման ավելի բարձր հարմարավետություն։