Enni Marco | IV 02-805 02

Վենետո նահանգում՝ իտալական օպտիկական արդյունաբերության հայրենիքում, եվրոպական առաջատար ստուդիաներից մեկի՝ EMstudio-ի դիզայներներն արդեն ավելի քան 20 տարի է, ինչ ստեղծում են ENNI MARCO ապրանքանիշի ակնոցների հավաքածուներ, որոնց բնորոշ են դիզայներական հետաքրքիր լուծումները՝ ի լրումն հարմարավետության, շրջանակների բարձր որակի և թեթևության։ ENNI MARCO ապրանքանիշի IV 02-805 02 մոդելի ամբողջական շրջանակով ակնոցը աչքի է ընկնում իր՝ փայլուն, թափանցիկ, շագանակագույն երանգ ունեցող շրջանակով, ոսկեգույն պոչիկներով և cat-eye շրջանակի ձևով։ Օպտիկական շրջանակը պատրաստված է ամուր ու դիմացկուն պլաստիկից և մետաղից, իսկ պոչիկների վրա նշված ENNI MARCO ապրանքանիշի անվանումը հաղորդում է լրացուցիչ գրավչություն և շքեղություն: Բարակ, մետաղե պոչիկների պլաստիկե ծայրերի շնորհիվ ակնոցը ավելի հարմարավետ է նստում ականջների հետևում։ Քթի բարձիկները ֆիքսված են և ստեղծում են առավելագույն հարմարավետություն, քանի որ ակնոցի ծանրությունը չի ընկնում միայն բարձիկների վրա։