Ահա այն պարզ կանոնները, որոնք թույլ կտան Ձեզ պահել ակնոցը պատշաճ վիճակում՝ քիչ ջանք գործադրելով:
- Անհրաժեշտ է ակնոցը պահել ներսից փափուկ ծածկույթ ունեցող կոշտ պատյանում:
- Հարկավոր է ակնոցը հանել և հագնել երկու ձեռքով՝ երկու ծայրերից բռնելով:
- Մի՛ դրեք ակնոցը սեղանին՝ ապակիներով ներքև. այդկերպ կվնասեք Ձեր ակնոցի ոսպնյակները:
- Մի՛ կրեք ակնոցը գլխին. դա կարող է հանգեցնել շրջանակի դեֆորմացիայի և ապակիների խազվելուն:
- Անհրաժեշտ է ակնոցը զերծ պահել ջերմաստիճանի կտրուկ տատանումներից:
- Խստիվ արգելվում է արևոտ օրերին ակնոցը թողնել մեքենայի դիմապակու տակ, սրահի խցիկում, ջերմացնող սարքերի կամ լամպերի մոտ:
- Ակնոցով մուտք մի՛ գործեք տարածքներ, որտեղ ջերմաստիճանը բարձր է +60C-ից (օրինակ՝ շոգեբաղնիքներ): Բարձր ջերմաստիճանի ներգործությունը կարող է հանգեցնել ակնոցի պաշտպանիչ շերտերի վնասման, ինչի արդյունքում ապակու մակերևույթին կարող է առաջանալ ցանցավորում, ճաքեր:
- Ակնոցը հարկավոր է մաքրել հատուկ միկրոֆիբրայից կտորով: Խուսափե՛ք թղթե անձեռոցիկով կամ թավշյա հագուստի կտորով մաքրելուց, քանի որ դրանք կարող են վնասել ոսպնյակի արտաքին մակերեսը:
- Ակնոցների մաքրման համար օգտագործեք ոսպնյակների համար նախատեսված հատուկ հեղուկ-սփրեյներ, իսկ ձեռքի տակ չունենալու դեպքում կարող եք ապակիները լվանալ մինչև +40°C ջերմաստիճանի հոսող ջրով՝ օգտագործելով PH չեզոք հեղուկներ, գլիցերին և քսուք չպարունակող օճառ։
- Խուսափե՛ք ոսպնյակների վրա ազդեցիկ նյութերի ներգործությունից (ացետոն, ալկոհոլային լուծույթներ, օծանելիք, խնամքի քսուքներ, ծովի ջուր, մազերի լաք և այլն)։
- Մի՛ ենթարկեք ակնոցները ֆիզիկական ներգործության, ցանկացած խնդրի առաջացման դեպքում մոտեցե՛ք օպտիկայի խանութ-սրահ։
Այս նվազագույն պահանջներին հետևելով՝ Դուք կկարողանաք ավելի երկար օգտագործել ակնոցները և խուսափել դրանք վնասելուց: